Një i ri është arrestuar pasi ka qëlluar me armë në dasmën ku ishte i ftuar. Por, nga ana tjetër e ka pësua keq edhe babai i nuses.
Ngjarja ka ndodhur ne fshatin Gribe të Elbasanit. Fabjon Selami, 27 vjeç ka qëlluar me armë zjarri ne dasmën e vajzës së shtetasit L.M., 59 vjeç.
Pas arrestimit të të riut për armë pa leje, u procedua penalisht në gjendje të lirë për veprën penale “Mos kallëzim krimi” edhe shtetasi L.M.
Njoftimi i policisë
Specialistët e Hetimit të Krimit në Komisariatin e Policisë Gramsh arrestuan në flagrancë shtetasin Fabjon Selami, 27 vjeç, banues në fshatin Kalaj, Gramsh, për veprën penale “Mbajtja pa leje dhe prodhimi i armëve, armëve shpërthyese”.
Arrestimi i tij u bë pasi më datë 18.10.2018, në fshatin Gribë, ka qëlluar në ajër me armë zjarri pistoletë në ceremoninë e martesës së vajzës së shtetasit L.M., 59 vjeç.
Në vijim të veprimeve u procedua penalisht në gjendje të lirë për veprën penale “Mos kallzim krimi” edhe shtetasi L.M.
Materialet Hetimore i kaluan Prokorisë pranë Gjykatës së Shkallës së Parë.