Komisioni i Pavarur i Kualifikimit konfirmoi këtë të mërkurë në detyrë gjyqtarin e Krimeve të Rënda, Dritan Hallunaj. Ai doli në seancë dëgjimore të martën. ILDKP vlerësoi se Hallunaj kishte bërë deklarim të saktë. Ndërsa sipas raportit të Drejtorisë së Sigurimit të Informacioneve të Klasifikuara, Hallunaj nuk ka kontakte të papërshtatshme. Gjithashtu u konstatua përshtatshmëri për vijimin e detyrës.
Në lidhje me aftësitë profesionale Komisioni i Pavarur i Kualifikimit i vlerësoi ato të mjaftueshme, pasi 5 dosjet e vëzhguara nuk kanë pasur problem. Komisioni konfirmoi në detyrë po këtë të mërkurë edhe Brunilda Kadin, gjyqtare e Tiranës kaloi Vettingun pasi KPK e konfirmoi në detyrë këtë të mërkurë.
Ajo është njëkohësisht anëtare e Këshillit të Lartë të Drejtësisë dhe ka marrë vlerësime pozitive nga organet ndihmëse të Vettingut sa i përket pasurisë, figurës dhe anës profesionale në seancën dëgjimore që u zhvillua për të. ILDKPKI konstatoi deklarim të saktë dhe pasuri të justifikuar nga ana e gjyqtares.
