Valmir Lela u ndalua nga oficerët e policisë në East Street në Brighton, me drogë dhe 400 euro.
Shqiptari 26-vjeçar kishte hyrë ilegalisht në Britani të Madhe dhe sipas tij ai kishte nisur të shiste drogë pasi kishte frikë se mos mbetej i pastrehë, pasi kishte humbur punën në sektorin e ndërtimit.
Pasi pranoi veprën penale ai u burgos me dy vjet e katër muaj në Hove Croën Court. Philip Meredith, duke ndjekur akuzat, tha se Lela u ndalua nga policia më 30 qershor të këtij viti.
Policia e kishte kapur ndërsa ai po shiste kokainë në këmbim të parave, dhe ata e arrestuan në flagrancë.
Lela nuk kishte bërë asnjë koment, por ai kishte pranuar që posedonte kokainë me qëllim për ta shitur.
Carolina Guiloff, avokatja mbrojtëse e shqiptari është shprehur se klienti i saj nuk kishte ndonjë rol të rëndësishme në trafikimin e drogës, dhe nuk është se ishte një trafikant i madh.
Ai më parë ka punuar në një dyqan bizhuterish në Shqipëri dhe tani shqetësohet për të ardhmen e tij, pasi prindërit e tij po luftojnë me sëmundje dhe janë shumë të stresuar për akuzat që rëndojnë mbi djalin e tyre.
Ajo tha se Lela, i cili qëndroi në Brighton, shpresonte të fitonte para në industrinë e ndërtimit, por pasi humbi një punë ai e gjeti veten duke u marrë me shitjen e drogës “nga nevoja për ushqim dhe strehim”.
Ajo tha: “Ai ishte në fund të zinxhirit, ai nuk kishte një funksion operativ apo menaxhues brenda bandës së drogës”.
Gjyqtari e dënoi Lelën me dy vjet e katër muaj burg, por tha se do të ishte në dorë të autoriteteve të tjera për ta deportuar atë pasi ai të ketë vuajtur dënimin e tij.
Burimi: theargus.co.uk
Përshtati: Tirana Today
