Gjykata e Kasacionit në Itali ka vendosur sot se vrasja e shqiptar nga shoku i tij, ka qenë aksidentale.
Mbyllet kështu çdo dyshim i familjarëve për humbjen tragjike të 26 vjeçarit Ermal Abdushi. I riu mbeti i vrarë në 30 dhjetor të vitit 2015 në Varesino.
Autor i krimit është shqiptari Jasin Sulo. Ai është dënuar me 4 vjet e 5 muaj për vrasjen dhe 4 vjet e 4 muaj për mbajtjen e armës pa leje. Ai akuzohet edhe për një serë vjedhjesh në Liguria.
Pas kësaj, gjykata ka përforcuar përfundimin se: Atë mbrëmje tragjike Ermali ishte në shtëpi me Jasin Sulo bashkë me njerëz të tjerë. Ai u qëllua me armë nga Jasini në një distancë shumë të afërt. Një shkrepje e gabuar i mori jetën të riut. Sipas hetimeve shkrepja ndodhi kur Jasini po i tregonte armën shokut të tij.
Një version që nuk është konfirmuar vetëm nga hetimet, por edhe nga ana e shumë dëshmitarëve dhe mungesa e një motivi për vrasjen e të riut nga Sulo.
Ngjarja
“Ai ishte vëllai im, nuk doja ta vrisja …”, janë këto fjalët që ka thënë Jasin Sulo. 31-vjeçari ende është i tronditur dhe nuk mund ta besojë që ka vrarë shokun e tij Ermal Abdushi, 26 vjeç.
Ata ishin të dy në shtëpinë e Sulos, në rrugën Colombo në Locate Varesino, në katin përdhes të një vilë dykatëshe. Së bashku me ta, ishte kushëriri i viktimës, gruaja e Sulos dhe dy miq të tij. Bajram Moriseni, 23 vjeç banues në Locate, u arrestua në flagrancë për posedim të droge dhe armëmbajtje pa leje. Ai kishte ndihmuar në fshehjen e krimit. Ai kishte hedhur armën me të cilën u vra Abdushi në një fushë në Mozzate.
I përfshirë në ngjarje kishte qenë edhe një 29 vjeçar me vendbanim në Zvicër. Ai raportohet se ka ndihmuar në pastrimin e gjakut nga banesa pas arratisjes së Sulo. Sulo është shprehur se e kishte blerë armën nga një i huaj “për të mbrojtur veten nga hajdutët.” /TIRANA TODAY/
