Një shqiptar është ekzekutuar në mes të Berlinit. Nga të dhënat e para autori thuhet se është një shqiptaro-gjerman, i cili pak pas krimit ka vrarë edhe veten. Ngjarja tronditëse mbetet ende e mbushur me mister. Ndërkohë që mediat gjermane shkruajnë se nuk ka ende një motiv zyrtar rreth krimit.
Policia tashme ka identifikuar viktimën dhe personi që shikoni në foto është Blendi G.,47 vjeç. Shqiptari thuhet se është baba i dy fëmijëve, i cili punonte si roje sigurie në dyqanin Boss në Kurfürstendamm.
Sipas mediave gjermane, krimi ka ndodhur mbrëmjen e së shtunës. Shqiptari sapo kishte përfunduar orarin e punës dhe po kthehej drejt banesës së vet.
Ngjarja ka ndodhur në rrugë, as 200 metra para se shqiptari të shkonte në banesë.
Autori, një burrë 60 vjeç shqiptaro-gjerman me pas ka qëlluar edhe veten me të njëjtën armë. Ai ka ndërruar jetë në spital.
Policia ka marrë dëshmi të personave që mendohet se kanë parë ngjarjen. Dëshmitarët nuk kanë dhënë shumë detaje vetën se janë shprehur se kanë dëgjuar së paku 4 të shtëna të forta arme.
Policia ka nisur hetimet për të zbardhur shkakun e këtij krimi dhe motivet që mund të ketë pasur autori./TIRANA TODAY/
