Të tjera detaje bëhen të ditura lidhur me Hektor Xhecukën i arrestuar nga Policia si autori i vrasjes së Emiljano Boçit. Ngjarja ka ndodhur në Tiranë në muajin Janar 2018. Burime të besueshme bëjnë me dije se Xheçuka, dyshohet se është pjesë e një grupi kriminal që vepron në zonën e Kamzës.
Në këtë vrasje, Xheçuka dyshohet se ka bashkëpunuar me dy persona të tjerë. Sipas policisë është duke u hetuar për të zbuluar identitetin e tyre. Xheçuka dyshohet se është vrasës me pagesë.
Gjithashtu mësohet se Xheçuka dyshohet se ka lidhje me anëtarët e grupit të Shullazit në Tiranë dhe ka qëndruar për një kohë i fshehur në ambientet e një biznesmeni në Kamëz.
Hektor Xheçuka është arrestuar në vitin 2015 pasi është akuzuar për “Vrasje me dashje mbetur në tentativë”. Ai u lirua pasi nuk u gjetën prova.
30-vjeçari cilësohet si një “killer” i cili është paguar për disa vrasje në vend. Burime nga policia bëjnë me dije se kemi të bëjmë me një ndër vrasësit më të rrezikshëm në Shqipëri. Gjithashtu mësohet se ai është zbuluar me prova shkencore.
30-vjecari, dyshohet si pjesëmarrës edhe në disa ngjarje të tjera kriminale të ndodhura në Tiranë dhe Kamëz.
