Pika Production është kompania e cila ka marrë 18 milionë lekë të vjetra për të krijuar një logo e cila rezulton se është vjedhur në Google, në një faqe e cila krijon logo online.
Artistët denoncuan më herët në rrjetet sociale se logoja ishte një plagjiaturë e vjedhur, ndërsa nga institucioni i drejtuar nga Zana Çela, ka pasuar heshtja.
Për një logo, e cila sipas artistëve është marrë në Google, janë paguar 18 milionë lekë të vjetra nga paratë e taksapaguesve, është zhvilluar edhe një tender, ku fituesi është kompania “Pika Production”, në pronësi të Albert Malltezit.
Ndërkohë, që për këtë ngjarje ka ardhur një reagim nga ministrja Elva Margariti, e cila ka thënë se ishte vënë në dijeni prej rrjeteve sociale për skandalin në fjalë duke theksuar se do të ngrihet një grup verifikimi për këtë çështje.
