Një ngjarje e rëndë është regjistruar mëngjesin e sotëm, teksa një punonjës në Rrugën e Arbrit ka ndërruar jetë.
Viktima është identifikuar si Astrit Alla, 53 vjeç, punonjës i firmës ‘Gjoka Construction’. 53-vjeçari po punonte me një mjet tip vinç në urën e Vashës, teksa është përfshirë në një aksident.
Njoftimi i policisë:
Klos / informacion paraprak
Rreth orës 09.40, në rrugën e Arbrit, shtetasi A. A., rreth 53 vjeç, duke punuar me një automjet të rëndë (vinç) në urën e fshatit Fshat, Klos, është aksidentuar dhe për pasojë ka humbur jetën.
Grupi hetimor ndodhet në vendngjarje dhe vijon hetimi për zbardhjen e shkaqeve të ngjarjes.
