Një ngjarje kriminale ka ndodhur mëngjesin e sotëm në qytetin e Sarandës, ku një 35-vjeçar i identifikuar si Spiro Iljadhi, është qëlluar me breshëri kallashnikovi. Iljadhi është pronari i Club ‘Orange’ në qytetin e Sarandës si dhe ish-futbollist i ekipit të Butrintit.
Sipas informacioneve nga vendi i ngjarjes Iljadhi është qëlluar me 20 plumba kallashnikovi dhe ka mbetur i plagosur. Pas marrjes së ndihmës së parë në spitalin e qytetit, Iljadhi është nisur me helikopter drejt Traumës.
Nuk dihen ende shkaqet e ngjarjes, ndërkohë që policia dhe grupi hetimor po vijojnë punën për identifikimin dhe kapjen e autorëve.
Njoftimi i policisë:
Sot, rreth orës 03:50, në lagjen Nr.1, në afërsi të një lokali, në rrethana ende të paqarta, janë plagosur me armë zjarri shtetasit S. I., 35 vjeç, banues në Sarandë dhe M. J., 33 vjeç, banues në Tiranë, të cilët ndodhen në spital jashtë rrezikut për jetën.
Grupi hetimor ndodhet në vendin e ngjarjes ku vijon puna për zbardhjen dhe dokumentin e plotë të rrethanave të ngjarjes.
Shërbimet e policisë kanë ngritur pika kontrolli dhe vijon krehja e zonēs për të bërë të mundur kapjen e autorit/ve.
