Një doganier i pikës Doganore Tiranë është arrestuar nga policia e kryeqytetit, pasi akuzohet për korrupsion. Në pranga ka rënë Adriatik Hamza, 41 vjeç, banues në Tiranë.
Hamza i ka kërkuar dhe marrë një shumë në Euro shoferit të një subjekti për ta lejuar të dilte nga territori doganor.Ky shtetas duke shfrytëzuar atributet që i jep posti i ka kërkuar dhe marr një shumë në euro shtetasit V. Ç., 54 vjeç, (shofer i një subjekti në Strugë) për ta lejuar të dilte nga territori doganor.
U sekuestrua në cilësinë e provës materiale shuma e përfituar në mënyrë të kundraligjshme.
Materialet iu referuan Prokurorisë së Rrethit Gjyqësor Tiranë për veprime të mëtejshme në ngarkim të shtetasit të lartpërmendur për veprën penale “Korrupsioni pasiv i personave që ushtrojnë funksione publike”.
