Tre vjet pas vrasjes së burrit të saj, Pasquale Guarino, fermer i vrarë më 23 shtator 2015, gjatë një tentative grabitje në rrethin e Cuparella në Santa Maria Capua Vetere , gruaja e tij Lucia Cocoro, bën thirrje për drejtësi. Lirimi i vrasësit sipas saj për këtë rast dramatik, ka tronditur gjithë komunitetin. Të akuzuar janë dy shqiptarët, ish-punonjësit e viktimës: Argit Turshilla, 27 vjeç, i cili është kapur në mars të këtij viti në Dibër. Gjithashtu në këtë krim është i përfshirë edhe Roland Trushilla (tani i lirë).
“Një shumë i kërkuar nga Italia për vrasje u kap nga policia shqiptare. Sipas njoftimit të Policisë Dibër në bashkëpunim me Interpol Tiranën kanë bërë të mundur arrestimin e personit të shpallur në kërkim ndërkombëtar Argit Turshilla, 25 vjeç, lindur në Maqellarë, Dibër. Ky person kërkohej nga Interpol Roma pasi Gjykata e Santa Maria Capua Veterei, ka lëshuar Urdhër Arrestin Ndërkombëtar për veprat penale “Vrasje” dhe “Vjedhje me armë me pasojë vdekjen”, parashikuar nga legjislacioni Italian . Argiti Turshilla akuzohet se tre vjet më parë në bashkëpunim me një persona tjetër në lokalitetin Santa Maria Capua Vetere në Itali gjatë një grabitje me armë kanë vrarë shtetasin italian P. G. Në datë 23.09.2015 shtetasi Argit Turshilla në bashkëpunim me shtetasin R. T. në lokalitetin Santa Maria Capua Vetere/Itali gjatë një grabitje me armë kanë vrarë shtetasin italian P. G”, thuhej në njoftimin e policisë, së publikuar ne mars 2018.
Në familje, vejusha Lucia, e tradhtuar nga punonjësit e saj flet e zhgënjyer. “Burri im është vrarë nga këto tradhtarë para tre vitesh,” tha Lucia, e cila bën thirrje për drejtës.
“Por unë s’dua ta besoj. Si njëri nga autorët Rolandi, u la i lirë dhe unë po pres që gjykata të veprojë. Unë nuk mendoj se ai këtë gjë e konsideron si fitore, sepse nëse ai ka ndërgjegje nuk e di si mund ta zërë gjumi i natës. Një javë para krimit kam mësuar se burri im i kishte paguar atij ilaçin për një trajtim dermatologjik. Ai duhet t’ia dinte për nderë për gjithë veprat mira që burri im kishte bërë ndaj tij. Pres që drejtësia të veprojë, pasi kanë kaluar 3-vjet dhe për mua janë shumë”.
Natyrisht, tashmë e ka në dorë drejtësia për të caktuar se kush është përgjegjës për këtë ngjarje, dhe çështja i ka kaluar Elizabeth Aldovrandi. Ndërsa Lucia për tre vjet është ndihmuar nga avokati Dezio Ferraro./TIRANA TODAY/
