Që nga nëntori 2017, Arjan Baçi dhe Erjon Rriçku janë dy njerëzit që administrojnë pronat e sekuestruara të Klemend Balilit. Baçi dhe Rriçku janë përfaqësues të Agjencisë së Administrimit të Pasurive të Sekuestruara dhe të Konfiskuara. Sipas ligjit, ata, deri në një vendim të formës së prerë për atë që amerikanët e quajtën “Eskobarin e Ballkanit”, do të jenë ata që do të kryejnë çdo veprim ligjor me këto pasuri, si pronarët e vërtetë të cilët ndodhen në hetim.
Por a ka qenë aktiv “Santa Quaranta”, gjatë 2018-s. Çfarë ndodh me paratë e këtij biznesi?
Sipas ligjit Antimafia, agjencia duhet të menaxhojë pronat e krimit deri në 2 vjet, kur jepet vendimi i formës së prerë. Por, zvarritjet e gjyqeve i kanë çuar këto afate deri në 5 vjet. /a2news
