Zbulohen emrat e dy lezhjanëve, pasuria e të cilëve u sekuestrua në kuadër të operacionit “Forca e Ligjit” pasi ka dyshime se janë përfituar nga veprimtari kriminale.
83-vjeçari Pjetër Voci dhe 50-vjeçarja Shqipe Palaj kanë në pronësi 7 apartamente në Lezhë, disa apartamente në Tiranë dhe llogarinë bankare në total 5.2 mln €.
Mbi ta rëndon akuza e pastrimit të parave, teksa nuk dihet ende se si i moshuari dhe 50-vjeçarja kanë mundur ta vërë pasurinë marramendëse.
“BalkanWeb” mëson se më datë 22.01.2019 Prokuroria Pranë Gjykatës së Shkallës së Parë Lezhë ka regjistruar procedimin penal nr. 57 viti 2019 për veprën penale të “pastrimit të produkteve të veprës penale ose veprimtarisë kriminale”. Me kërkesën e prokurorit Erjon Shehaj, Gjykata e Rrethit Gjyqësor Lezhe më 23.01.2019 ka vendosur sekuestrimin e llogarive bankare me vlerë 5.269.551 euro, 7 apartamente në Lezhë si dhe disa apartamenteve në Tiranë në pronësi të shtetasve Shqipe Palaj e datëlindjes 28.08.1969 dhe shtetasit Pjetër Voci i datëlindjes 01.07.1936 të dy banues në Lezhë.
