Janë emëruar sot gjashtë drejtues të rinj të prokurorive në rrethe dhe dy prokurorë të thjeshtë. Ka qenë Këshilli i Lartë i Prokurorisë që ka lajmëruar caktimin përkohësisht të tetë prokurorëve të rinj, 6 prej të cilëve kryeprokurorë në rrethe dhe 2 prokurorë. Emërimet, sipas njoftimit, do të jenë të vlefshme për një perjudhë 3-mujore.
Vendimet e marra nga KLP janë:
Mësohet se është miratuar ngritja në detyrë e prokurorit Abaz Muça, kandidat për Drejtues të Prokurorisë Mat dhe Gentian Stoja, Drejtues i Prokurorisë Korçë. Njëkohësisht, është kryer edhe vlerësimi profesionalisht subjektin e rivlerësimit kalimtar, prokurorit Endrit Bimi, si dhe caktimi me short i Bujar Sheshit si relator për procedurën e ngritjes në detyrën e drejtuesit, të prokurorit Ludovik Dodaj, në Prokurorinë pranë Gjykatës së Apelit Durrës.
Emërimi i 8 kryprokurorëve dhe prokurorëve të rinj:
Albert Murçaj, Drejtues i Prokurorisë Shkodër;
Ludovik Dodaj, Drejtues i Prokurorisë Durrës;
Lorenc Mërkuri, Drejtues i Prokurorisë Sarandë;
Asllan Bajramaj, Drejtues i Prokurorisë Përmet;
Aurel Zarka, Drejtues i Prokurorisë së shkallës së parë Vlorë;
Erion Çela, Drejtues i Prokurorisë së Apelit Vlorë;
Gjon Fusha, Drejtues i Prokurorisë së Apelit Gjirokastër.
Irena Çunoti, prokurore në Prokurorinë e Korçës;
Afërdita Ndoi, prokurore në Prokurorinë e Durrësit.
Gjithjashtu, KLP ka vendosur edhe kryerjen e praktikës për 23 kandidatë magjistratë në Prokurorinë pranë Gjykatës së Shkallës së Parë Tiranë, Prokurorinë pranë Gjykatës së Shkallës së Parë Elbasan, Prokurorinë pranë Gjykatës së Shkallës së Parë Dibër dhe Prokurorinë pranë Gjykatës së Shkallës së Parë Korçë./Tirana Today
