“Motorët” e fushatës janë ndezur tashmë prej kohësh, lidhur me zgjedhjet vendore të 2019-ës, ndonëse ende nuk janë konfirmuar kandidatët zyrtarë që do të garojnë për kryetarët e ardhshëm të Bashkive.
Duke iu referuar debateve politike e komenteve në rrjetet sociale, tashmë kanë startuar aludimet e para për kandidatët e mundshëm. Shumë emra janë përfolur deri tani, ndërsa dy deputetë të PS duket se janë drejt konfirmimit.
Është fotografi i Kuvendit, Agim Rama, ai i cili ka zbuluar këtë detaj të dy deputetëve të PS, Pjerin Ndreu dhe Rakip Sulit.
Ai ka postuar një foto, dhe krahas saj shkruan: “Dy deputetët që së shpejti do të dorëzojnë mandatet për t’u bërë kryetar Bashkie”.
