Sipas statistikave, një person mesatarisht përpiqet të humbasë në peshë të paktën katër herë në vit. Por vetëm një në çdo 100 persona arrijnë të humbasin peshë, dhe mund të ndajnë me krenari eksperiencën e tyre të suksesshme. Dr Roger Gould, një nga ekspertët më të njohur për të ngrënët emocional, na siguron se janë emocionet dhe jo mungesa e vullnetit ato që na pengojnë të humbim peshë. Prandaj është e rëndësishme që ju të dini këto 6 sekrete para se të filloni betejën tuaj:
- Jini të qëndrueshëm.
Është gjithmonë shumë e vështirë të fillosh një dietë që ofron vetëm fruta dhe perime nëse je përdorues i ushqimit të shpejtë. Është një stres i madh për trupin tuaj, i cili do të reagojë në përputhje me rrethanat. Mundohuni të mos kërkoni shumë nga vetja, dhe në të njëjtën kohë bëni ndryshime progresive.
- Mbani shënim treguesit e përparimit tuaj.
Besoni apo jo, është shumë e rëndësishme që të monitoroni me kujdes progresin tuaj. Kjo do t’ju japë një pasqyrë reale se sa peshë keni humbur. Në shumë raste, ju duhet të prisni muaj derisa të shihni disa ndryshime të dukshme në trupin tuaj, kështu që mos të humbni motivimin, mbani një regjistër të të gjitha ndryshimeve.
- Jini aktiv fizikisht.
Një plan i shëndetshëm diete ju ndihmon të humbni peshë, por është shumë e rëndësishme që të kombinoni ushqimin e mirë me ushtrime fizike. Edhe aktivitetet si ecja (nëse kryhen në baza ditore) do të jenë shumë të dobishme.
- Kërkoni mbështetje nga miqtë dhe familja juaj.
Mbështetja morale e atyre që janë përreth jush është jashtëzakonisht e rëndësishme kur je në dietë. Ata e dinë se kur ju tundoheni, kështu që mund t’ju kujtojnë të jeni të kujdesshëm me ushqimet që përmbajnë shumë kalori. Është mënyra e tyre për t’ju mbështetur në betejën tuaj.
- Përcaktoni llojin tuaj metabolik.
Nëse ndiheni sikur jeni duke bërë gjithçka për të humbur peshë, por ende nuk keni rezultate të dukshme, është në rregull. Në të vërtetë, është një problem shumë i zakonshëm. Por, para se të heqësh dorë, njihe më mirë metabolizmin tënd. Nëse keni një metabolizëm të ngadaltë, kini durim. Mos harroni se rezultatet afatgjata do të bëhen të dukshme një ditë.
- Çdo dietë kërkon mbikëqyrje.
Nëse keni vendosur të filloni një dietë, mendoni për kontaktimin e një dietologu të mirë për mbikëqyrje dhe këshilla. Mos harroni: ato “dietat e mrekullisë” që premtojnë të djegin kilogram yndyrë në pak kohë, ju rrezikojnë seriozisht shëndetin tuaj. Ato do të kenë një efekt negativ në mirëqenien tuaj mendore dhe fizike. (TIRANA TODAY)
