Emigrantët e shumtë që vijnë nga lindja shpresojnë se do të gjejnë një jetë më të mirë në Perëndim. Imazhet e skanerit me rreze X të publikuara nga autoritetet greke, shfaqin emigrantët e fshehur në rezervuarin e karburantit të kamionit, duke shpresuar se kështu do të depërtojnë në portin Patras.
Fotografi tjera dëshmojnë se si në portin Patras, policia greke po bën çmos që të parandalojë emigrantët të futen nëpër kamionët që transportojnë mallra të ndryshme.
Shumica e këtyre emigrantëve që tentojnë të futen në këtë vend rrugëve ilegale vijnë nga Pakistani dhe Afganistani. Imazhet e skanerit me rreze X, tregojnë atë që nuk mund të shihen me syrin e njeriut.
Ndërsa fotografitë e publikuara më poshtë, shfaqin disa persona të shtrirë brenda rezervuarit të karburantit të kamionit, shkruan telegrafi. Disa tjera tregojnë të rinjtë që janë futur në kamionin e mbushur me shalqi.
