Emigrantët shqiptarë nga Komuna e Ulqinit kanë reaguar kundër dhunës së policisë malazeze ndaj të rinjve shqiptarë në ngjarjet e 17 qershorit.
Anëtarët e Shoqatës Ulqini në Çikago dënuan ashpër sjelljet brutale të njësive policorë nga qyteti i Tivarit, të cilët dhunuan të rinjtë shqiptarë në disa lokale në Ulqin.
“Këto ngjarje ngjallin mosbesim dhe shqetësim tek ne dhe fëmijët tanë kur në pyetje është siguria e tyre kur vizitojnë vendlindjen e tyre.
Andaj apelojmë te udhëheqësit e partive shqiptarë, te Kryetari i Komunës së Ulqinit, Këshilli Nacional i Shqiptarëve në Mal të Zi dhe të gjitha subjektet tjera që të marrin masa adekuate në parandalimin e ndodhive dhe ngjarjeve të tilla! Në mënyrë që situata e 17 qeshorit mos të përsëritet”, shkruhet ndër të tjera në deklaratën e shoqatës Ulqini.
