Refugjatët kanë protestuar në Athinë duke bllokuar stacionin kryesor të trenit dhe kanë sjellë ndërprerjen e shërbimit hekurudhor. Rreth 500 emigrantë janë mbledhur në një kamp në një fushë gruri në Diavatë që nga e enjtja pas thirrjeve në rrjetet sociale për të hapur kufirin.
Ata po kërkojnë të transportohen në Greqinë veriore, pranë kufirit grek, me qëllim rihapjen e një rruge migrimi drejt Evropës veriore që u hap në 2016.
Disa protestues thuhet se kanë filluar të ecin përgjatë shinave drejt Selanikut.
Autoritetet nuk ndërhynë menjëherë për të shpërndarë demonstruesit, derisa zyrtarët e agjencisë së refugjatëve të Kombeve të Bashkuara, po përpiqeshin t’i bindnin ata të largoheshin vullnetarisht.
Protesta u mbajt një ditë pasi përleshjet shpërthyen pranë një kampi për refugjatët dhe emigrantët në Greqinë veriore, pasi protestuesit u përpoqën të thyenin një kordon policor dhe të arrinin kufirin me Maqedoninë e Veriut, e cila ishte e rrethuar dhe e kontrolluar gjatë tre viteve të fundit.
Ministri grek për Politikën e Migracionit Dimitris Vitsas tha se “kufijtë janë dhe do të mbeten të mbyllura dhe pa dyshim nuk do të lejojmë lëvizje të parregullta”, raporton Thema News.
Ai shtoi se emigrantët kishin rënë viktimë e keqinformimit, ka shumë të ngjarë nga trafikantët e qenieve njerëzore, duke u thënë “për ndonjë arsye të pashpjegueshme se ata do të hapin kufirin”./ Tirana Today
