Në një rrëfim të veçantë, aktorja e njohur Ema Andrea, e ftuar në “Pop Culture” në “Top Channel”, ka zbuluar se ajo e ka menduar prej kohësh arratisjen nga Shqipëria, por diçka do dilte që të mos largohej. Po kështu, Ema ka treguar pa doreza për jetën e saj gjatë periudhës së komunizmit, kohë kur ajo ishte shumë e re. Ajo pranon se është penalizuar, madje edhe për bukurinë.
“Në atë kohë jam penalizuar që kam qenë e drejtë, madje edhe për bukurinë. E bukura gjithmonë paragjykohet, sepse është mendja e mbyllur, jo se ndërgjegjja nuk e do të bukurën”, është shprehur ajo.
Aktorja e talentuar nuk nguron të citojë edhe faktin se gjithmonë e ka çuar ndër mend që të largohej nga Shqipëria, kjo për shumë arsye.
Më tej, Ema ka rrëfyer se shumë shpesh ka dashur të largohej nga Shqipëria. “E kam menduar që 16-17 vjeç të largohem nga Shqipëria. Gjithmonë kam dashur të largohem, por në një moment u dorëzova, sepse ky vend gjente gjithmonë motiv për të më mbajtur, gjithmonë dilte një projekt. Ky vend më ka zgjedhur dhe e kam zgjedhur”, ka treguar Ema Andrea.
