Këngëtari Elton John ka anuluar koncertin e planifikuar në Las Vegas.
Kjo për shkak të një infeksioni të rrezikshëm bakterial. Sëmundja e zuri në avion, gjatë kthimit për në Britani nga Santiago i Kilit.
70-vjeçari u kthye të shtunën në shtëpi, që të pushonte, por qëndroi nën kujdesin e mjekëve, pas një trajtimi në një spital britanik.
Mediat shkruajnë se këngëtari ka qëndruar 12 ditë në spital, shkak ky edhe për shtyrjen e koncertit.
Elton John po pret të marrë veten dhe të shërohet plotësisht, për të pasur një performancë dinjitoze në Londër, në Twickenham Stadium, më 3 qershor.
