E ardhmja e Elseid Hysajt akoma nuk është e qartë, pasi gjithçka varet nga ecuria e Napolit këtë sezon. Gjithçka mund të vendoset në fundin e sezonit, pasi e ardhmja e shkodranit është nën hijen e Maurizio Sarrit. Juventusi është një ndër ekipet që ka shfaqur interes të madh për mbrojtësin shqiptar, por napolitanët u treguan një çmim tepër të lartë por ti larguar. Së fundmi është ngritur edhe një hipotezë, që Hysaj mund të përfundojë tek Milani.
Menaxheri i Hysajt, Mario Giufredi, ishte i ftuar në radion e tifozëve të Milanit “Radio Rossoneri”, ku veç të tjerave foli edhe për të ardhmen e mbrojtësit të Kombëtares. Giufredi e la të hapur mundësinë e transferimit të shkodranit te Milanit, gjithsesi e gjitha varet nga ecuria e Napolit këtë sezon.
“Do ta shohim si do të shkojë sezoni te Napoli dhe më pas do të flasim për të ardhmen e tyre. Në Napoli është i lumtur, por në futboll dhe në jetë çdo gjë mund të ndodhë, të ardhmes nuk i dihet”, u shpreh menaxheri i Hysajt për “Radio Rossoneri”.
