Pas 6 dekadash, Italia ka mbetur jashtë Kampionatit Botëror. Ndeshja e mbrëmshme me Suedinë ka qenë “fatale” për Italinë,duke i lënë fqinjët tanë jashtë Botërorit Rusi 2018.
Skuadra e Venturës u eliminua nga eventi më prestigjioz për shkak se nuk arriti të shënonte mbrëmë, duke marrë një barazim 0-0 në shtëpi ndaj Suedisë, ndërsa në ndeshjen e parë Italia humbi me rezultatin 1-0.
Kjo është hera e dytë që italianët mbesin jashtë një Botërori, tashmë pas 60 vitesh, ndërsa hera e fundit që të kaltrit nuk morën pjesë ishte në Suedi në vitin 1958.
Por, si e pritën lojtarët italianë këtë skualifikim? Fotot e tyre tashmë kanë bërë xhiron në rrjet, ndërsa bujë të madhe ka bërë videoja e portierit Buffon, i cili shpërthen në lot pas një interviste të shkurtër në përfundim të ndeshjes.
Ndërkohë, sot mediet italiane kanë pasur si titull kryesor pikërisht eliminimin e Italisë nga Botërori.
“Italia, ky është apokalips. Jemi jashtë Botërorit”, shkruan Gazzetta Dello Sport.
“Drama e Italisë, jashtë botërorit. Në Rusi shkon një Suedi e vogël”, shkruan Sportmediaset, ndërsa La Repubblica ka si titull kryesor: “Italia jashtë botëror. 0-0 me Suedinë. Nuk ndodhte prej 60 vjetësh, të kaltrit në lot”.
Më poshtë disa shkrepje nga nata e “makthit” për italianët:
[ngg_images source=”galleries” container_ids=”591″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
