Ka përfunduar në mënyrën më të keqe aventura e Strakoshës në Europa League. Ekipi i Lacios, pas dy humbjeve, në shtëpi dhe transfertë, i jep lamtumirën turneut.
Kritikat kanë qenë të shumta në adresë të lacialëve dhe atyre nuk u ka shpëtuar as shqiptari.
Mediat në Itali kanë akuzuar skuadrën për performancën e dobët ndaj Sevilla dhe ndër më të shigjetuarit ka qenë pikërisht portieri shqiptar. Por trajneri Inzagi i ka dalë atij në krah duke shtuar se përgjegjësia është e tij dhe jo e lojtarëve, duke e justifikuar humbjen edhe me mungesat e shumta që kishin.
Strakosha shpeshherë këtë vit është gjendur nën kritika të shumta për performancën e tij, e konsideruar më e ulët se niveli i vjetshëm, por shqiptari është shprehur se ndihet mirë dhe se po shikon përpara duke e hedhur humbjen pas krahëve./ Tirana Today
