Një aksident i rëndë ka ndodhur sot në Elbasan, ku një automjet tip “Mitsubishi” ka përplasur për vdekje një këmbësor.
Ngjarja ka ndodhur në lagjen “Vullnetari”, ndërsa viktimë ka mbetur shtetasi Sh.K., rreth 55 vjeç.
Policia ka shoqëruar drejtuesin e mjetit dhe vijon hetimet për zbardhjen e plotë të shkaqeve të aksidentit.
Informacion paraprak nga policia:
Në lagjen “Vullnetari”, Elbasan, shtetasi E.B., 41 vjeç, duke drejtuar mjetin tip “Mitsubishi” me targa EL 1631 B, ka aksidentuar me pasojë vdekje këmbësorin, shtetasin Sh K., rreth 55 vjeç, banues në lagjen Vullnetari Elbasan.
Drejtuesi i mjetit është shoqëruar në Komisariatin e Policisë Elbasan, për veprime të mëtejshme.
Grupi hetimor ndodhet në vendngjarje dhe po punon për zbardhjen e shkakut të aksidentit.
