Policia ka njoftuar se ditën e sotme është arrestuar Enea Bekteshi, i cili është pjesë e bandës “Çela” në qytetin e Elbasanit. Bekteshi u arrestua në Cërrik nga skuadra e operacioneve speciale. Ky person është kapur me lëndë narkotike nga skuadra e operacioneve speciale në Cërrik. Dyshohet se mbrëmjen e 18 shtatorit, ai ishte Brenda Audit të zi që goditi automjetin e ku lëvizte zv.drejtori i policisë së Elbasanit, Gjergj Oshafi.
https://www.facebook.com/tiranatodaycom/videos/357185384726205/
Vetëm dy ditë pas deklaratave të forta të ambasadorit amerikan Donald Lu se vendin e drejtojnë katër klane dhe 20 familje mafioze, policia e Elbasanit është vënë në lëvizje për të kapur të fortët atje.
Rreth dy javë më parë goditjen me makinë të blinduar automjeti që drejtohei nga zv/ drejtori i Policisë së Elbasanit, Gjergj Oshafi. Ngjarja ndodhi rreth orës 22:00 në rrugën “Dyli Haxhire”, pranë tregut ushqimor të qytetit, ku forcat blu po zhvillonin operacionin e koduar “Vjeshtë 2017”, për bllokimin e makinave të vjedhura. Pak momente pasi kishte ndaluar një automjet luksoz tip “Range Rover” me vlerë mbi 100 mijë euro, uniformat blu i kishin kërkuar drejtuesit t’i drejtohej Drejtorisë së Policisë së Elbasanit për verifikime të mëtejshme. Në këto momente, makina e policisë është goditur në mënyrë të befasishme nga një tjetër automjet tip Audi i blinduar. Pas përplasjes, autorët me makinën e blinduar janë futur në ambientet e tregut agro- ushqimor ku edhe kanë humbur gjurmët. Policia thotë se pas hetimit ka identifikuar dhe shpallur në kërkim autorët e sulmit mbi policinë. Në kërkim u shpall edhe pronari i tregut agro-ushqimor, Petrit Çela si dhe një person i tretë. Ndërkohë, në drejtim të Elbasanit janë nisur dhe njësi të RENEA si dhe Forcave të Ndërhyrjes së Shpejtë. Gjatë kontrolleve u arrestua Ledio Zabeli, 26 vjeç, nga Elbasani dhe Kelmend Xhaferri, 35 vjeç. Ky i fundit drejtonte në automjetin, i cili u ndalua për kontroll dhe verifikim nga policia, ndërsa Zabeli ishte pasagjer. Gjatë kontrollit në banesat e tyre, policia gjeti një armë sportive, pushke, pa leje si dhe një sasie lende narkotike. Në pranga u vu edhe roja i tregut ushqimor Valmir Dedja i cili pengoi oficerët e policisë për të ushtruar kontroll.
