Një ekzekutim mafioz është raportuar nga media spanjolle “La Verdad”, e cila ka ndodhur në zonën e Totana. Sipas burimeve të policisë, media në fjalë raporton se viktima është një shqiptar 27-vjeçar i cili punonte si truprojë. Ai është vrarë brenda makinës së tij dhe plumbat i kanë “tejkaluar në pjesë të ndryshme të kafkës”.
Ajo që hetuesit dyshojnë është nëse viktima është vrarë në po të njëjtin vend ku u gjet trupi , apo është vrarë në tjetër vend dhe ia kanë lënë trupin në vendin ku u gjet.
Sipas hetuesve spanjollë, shqiptari mund të jetë vrarë për shkak të armiqësive në punën e tij si truprojë ose për hesape në trafikun e drogës. Trupi i këtij burri u gjet në mesditë të mërkurën gjatë rrjedhës së lumit Guadalentín me shenja të dukshme të dhunës: një e shtënë në kokë.
