Me kalimin e orëve, policia përcjell detaje të reja nga ngjarja e rëndë që ka ndodhur në qytetin e Shkodrës.
Në orët e para të ditës janë gjetur të vrarë në makinë ish-shefi i krimeve të Pukës, Berhan Breçani dhe bashkëjetuesja e tij. Ata ndodheshin në një makinë tip Benz, me targë AA 006 HA, e po kështu bashkë me ta edhe një fëmijë 1-vjeç.
Ky i fundit është transportuar në spital, e ndërsa mjekët konfirmojnë se nuk ka pësuar lëndime.
Mbeten ende të paqarta motivet e vrasjes, ndërsa dyshohet se ka ndodhur për shkak të detyrës kur Breçani shërbente në Policinë e Shtetit. Në vendin e ngjarjes janë gjetur mbi 20 gëzhoja.
