Pas pothuajse dy ditësh nga vrasja mafioze e Jurgen Kurtit, Policia ka shpallur në kërkim djalin e Agim Arapit, Dervis Arapi.
Jurgen Kurti ishte një nga të akuzuarit për vrasjen e Agim Arapit, i cili u dhunua për vdekje në vitin 2017.
Nuk dihet se cilat prova e kanë çuar policinë drejt kësaj piste, pasi sipas sistemit TIMS, Dervis Arapi nuk ndodhej në Shqipëri që prej janarit të këtij viti.
Policia dyshon se Dervis Arapi mund të ketë hyrë në Shqipëri në mënyrë ilegale, por nuk përjashtohet edhe urdhri për vrasje me pagesë.
Pas vrasjes së Jurgen Kurtit, dje foli për mediat e veja e Agim Arapit, Vjollca Arapi, pra nëna e të shpallurit në kërkim, e cila tha se nuk ka dashur vdekjen e tj, por kërkonte që drejtësia të vepronte.
Vjollca kërkonte me forcë burgosjen e Jurgen Kurtit, për të cilin thoshte se “është përgjegjës për dy vrasje, burrit tim dhe babait të tij”. Pas ngjarjes së 11 prillit 2017, Jurgen Kurti u shoqërua nga policia dhe më pas u la i lirë, ndërkohë, dy të akuzuarit e tjerë, Kujtim dhe Konstandin Ekonomi u arrestuan. Kostandini u shpall i pafajshëm, ndërsa Kujtimi u dënua me 5 vite burg për vrasje nga pakujdesia./ Tirana Today
