Një 53-vjeçar, i cili dyshohet se është autori i vrasjes së biznesmenit, Niko Goro pak orë më parë në Himarë, është arrestuar nga policia.
Kliti Leka, është kapur dhe prangosur në fshatin Livadh, pak kilometra larg Himarës.
”Si rezultat i reagimit në kohë dhe ndjekjes së pandërprerë të autorit, u bë e mundur që në vendin e quajtur “Livadhet”, të kapjen dhe prangosej autori i dyshuar i vrasjes, shtetasi Kliti Leka , 53 vjeç, banues në Tiranë”, informon policia.
Policia ka sekuestruar armën e dyshuar të krimit, armë zjarri kallashnikov dhe automjetin me të cilin u largua autori.
Autori po shoqërohet për në ambientet e Policisë për veprime të mëtejshme
Si ndodhi ekzekutimi
Niko Goro, u ekzekutua mëngjesin e sotëm doli nga marketi i motrës së tij e po shëtiste me bashkëshorten, dhe të dyja mbetën të plagosura nga të shtënat.
51-vjeçari është qëlluar me 5 plumba, dhe nuk arriti t’i mbijetojë plagëve.
Mësohet se atentatori ka zbritur nga një furgon ku ishin edhe 3 persona të tjerë, i është afruar Goros dhe e ka qëlluar.
Kush ishte Niko Goro
Niko Goro ishte një emër i njohur në qytetin e Himarës.
Ai ishte kushëri me kryetarin e bashkisë Himarë, Jorgo Goro.
Goro, përveçse biznesmen në fushën e ndërtimit, kishte një bar-kafe dhe një hotel.
