“Trekëndëshi” i krimit të organizuar në Athinë – Zakynthos – Patras vjen nën mikroskopin e oficerëve të policisë greke që merren me çështjen e vrasjes mafioze të biznesmenit 54-vjeçar, Dionysis Korfiatis mesditën e 7 majit, ndërsa viktima ishte në një dyqan në qendër të Zakynthos.
Në kuadër të hetimeve të policisë për të gjetur autorët, ka edhe anëtarë të mafies shqiptare me qendër në Atikë, por edhe grupe kriminelësh që veprojnë në Akaia, me të dy polet të përfshirë në një “luftë” të vazhdueshme për epërsinë në ishullin Jon, por gjithashtu në Greqinë Perëndimore, shkruan The Best.gr.
Zyrtarët e zbatimit të ligjit e lidhin vrasjen e 54-vjeçarit me të paktën 4 akte të tjera kriminale që janë regjistruar në Zakynthos vitet e fundit.
Në qershor të vitit 2020, persona të panjohur qëlluan 54-vjeçarin dhe gruan e tij 37-vjeçare, duke e i marrë jetën kësaj të fundit. Viktima ishte Christina Kloutsinioti, e cila ishte edhe kandidate për këshilltare komunale në zgjedhjet e mëparshme lokale të mbajtura në Greqi.
Kohët e fundit, ai kishte dëshmuar si dëshmitar i prokurorisë kundër dy kriminelëve shqiptarë dhe një oficeri të fshehtë të policisë, të cilët u akuzuan për vjedhje të 550,000 eurove. Për më tepër, Korfiatis kishte kontakte me njerëz të akuzuar si autorë të vrasjes së një 37-vjeçari, në gusht 2017 në Zakynthos.
