Mercedesi i zi, seria 230/6 W 114 është i njohur si Mercedesi i Titos. Kjo makinë dhe rreth 50 automjete luksoze dhe dhjetëra motoçikleta ishin pjesë e ekspozitës “Skopje Classic Day – 2018”. Ekspozita u mbajt të dielën në Shkup, raporton Anadolu Agency (AA).
Në mesin e oldtajmerëve më interesantë ishin rreth dhjetë të tillë. Makinat u sollën nga Kosova, Serbia, Bullgaria dhe Gjermania. Ishte hera e parë e tyre që shfaqen në Maqedoni.
Automjetet e ekspozuara ishin më të vjetër se 35 vjet, që ishte edhe kushti për të marrë epitetin e oldtajmerit.
Një mostër shumë interesante për vizitorët ishte automjeti historik, i ruajtur mirë, që le përshtypjen se tani ka dalë nga fabrika, Mercedes Benzi 230/6 W 114, ose i njohur si Mercedesi i Titos, i cili u shfaq për herë të parë në Shkup.
Krahas tij, vëmendjen e vizitorëve e tërhoqi edhe Fordi kuq e bardh nga viti 1959.
Organizatorët planifikojnë ta kthejnë ngjarjen në një traditë.
