Një shpërthim është dëgjuar rreth orës 03:40 në fshatin Fushë-Bulqizë, ku mësohet se i ishte vënë eksploziv automjetit të një biznesmeni.
Sipas policisë, automjetit tip Audi Q7, në pronësi të administratorit të një galerie kromi, i është vënë lëndë plasëse në pjesën e pasme.
Mësohet se nga shpërthimi ka pasur vetëm dëme materiale, ndërsa mësohet se automjeti luksoz është në pronësi të shtetasit F.D, 54 vjeç.
Në vendin e ngjarjes priten të mbërrijnë ekspertët xhenier nga Tirana për të përcaktuar llojin e lëndës shpërthyese.
Ndërkohë, grupi hetimor po vijon punën për zbardhjen e rrethanave të ngjarjes.
