Vizitën që Presidenti Erdogan do të kryejë në SHBA dhe takimin me Trump, Rusia është duke e ndjekur nga afër. Rusët, mendojnë se pazarllëku i Erdoganit me Trump do të jetë i vështirë. Ekspertja e Lindjes së Mesme dhe këshilltarja e Kryetarit të Institutit të Kërkimeve Strategjike Ruse (RISI), Yelena Suponina duke vlerësuar vizitën e Presidentit Recep Taip Erdogan në SHBA, tha se lëvizja bashkë me Rusinë, jo me SHBA, do të jetë më e dobishme për Turqinë.
Suponina, në intervistën e dhënë për median Ruse “Sputnik”, vazhdoi duke thënë se Erdogani është një lider, i cili ka kaluar nga një proces shumë i ndjeshëm sikurse është ajo e Lindjes së Mesme dhe nuk është një lider që ushqen armiqësi.
“Kur vijmë në zhvillimet e fundit në vijën Ankara-Washington dhe në marrëdhëniet e Erdogan-it me SHBA, nuk mund të them që Erdogan është një lider në nivelin që ushqen armiqësi. Ne po bisedojmë nga politikat e liderëve të mëdhenj. Këto çështje janë shumë të ndjeshme. Erdogani në SHBA do të bëjë pazarllëk. Pazarllëku mes Erdoganit dhe Presidentit të SHBA Donald Trump do të jetë shumë i vështirë. Për mendimin tim Turqia, duhet t’i japë shumë rëndësi çështjes së krijimit të katër zonave të sigurta.”
Presidenti Erdogan, do të takohet kokë më kokë me Presidentin Donald Trump më 16 Maj në SHBA.
(Tirana Today)
