33-vjeçari shqiptar Bandiol Tusha është vrarë, ose është mbytur me jastëk ose litar. Mjekësia ligjore greke ka hedhur poshtë pretendimin fillestar se shqiptari kishte humbur jetën nga mbidoza.
Ngjarja ndodhi në burgun grek të Koridhalos, pasditen e 27 janarit të këtij viti. Sipas mediave greke, mjekësia ligjore ka zbuluar se shqiptari ka humbur jetën nga një litar në pjesën e qafës ose është mbytur me jastëk.
Shenjat e gjetura në pjesën e qafës pas autopsisë, çojnë hetuesit në përfundimin se ai është mbytur.
Dyshohet se Tusha ka pasur probleme me kreun e të ashtuquajturës “Mafia e burgjeve” në Koridhalos, që mund të ketë urdhëruar vrasjen e tij.
