Duke folur për rrjetin CNN turk, një ekspert turk për sigurinë dhe terrorizmin i quajtur Coskun Basbug, “parashikoi” një sulm ushtarak nga forcat amerikane kundër Turqisë, nëpërmjet bazës në Greqi në portin e Alexandroupolis.
Pretendimet e tij kundër Greqisë dhe SHBA-së u bënë gjatë analizës së tij në CNN turk, për tensionet në rritje midis Greqisë dhe Turqisë. Duke folur në rrjetin CNN turk, dhe jo në ndonjë stacion televiziv të skajshëm, Basbug shkoi aq larg sa pretendoi në mënyrë sfiduese se SHBA-ja po përdor Greqinë për të goditur ushtarakisht Turqinë.
“Këtu Amerika po përgatitet të sulmojë Turqinë, ka një plan sulmi. Ka një plan prapaskenash për një përpjekje pushtimi. Prandaj folëm shumë për Aleksandropolisin dhe u fokusuam në të. Sepse në rast se Turqia kryen një operacion ushtarak, drejtimi i parë i afrimit nga toka është kjo zonë që po diskutojmë”, tha eksperti turk, duke pasur përpara hartën me prezencën amerikane në tokën greke.
Ai e cilësoi SHBA-të dhe Greqinë si shtete që janë prezente prej 200 vitesh, duke shtuar se Turqia “nuk do të bjerë në grackën e tyre”.
“Datat e themelimit të këtyre shteteve janë njëra në 1771 dhe tjetra në 1821. Me fjalë të tjera, të dyja janë shtete 200-vjeçare. Nëse këto shtete do të ishin të zgjuara, do ta dinin se Turqia e sheh këtë kurth dhe nuk do të bjerë në të”, tha Basbug, i cili më parë pretendoi se SHBA-të: “Po përgatisin Mitsotakis për rolin e Zelenskit”.
Burimi i lajmit: protothema. Përshtatur nga Tirana Today
