Një nga ekspertët gjerman të ekonomisë që mban dhe postin e komisionerit evropian për Buxhetin, Gunther Oettinger, theksoi sot, në një konference për shtyp në Bruksel, se pret të ketë vonesa në agjendën e reformave të eurozonës për shkak të krizës politike në Gjermani.
Oettinger: Të gjitha çështjet mbi rolin e ardhshëm të Mekanizmit Evropian të Stabilitetit, për buxhetin apo një ministër të Financave të eurozonës, nuk mund të vendosen pa Gjermaninë.
Ai paralajmëroi se “për pasojë me shumë mundësi do të ketë vonesa”, duke theksuar se ka ardhur koha që të merren disa vendime për këto çështje.
Këto deklarata përplasen me pozicionin zyrtar të Komisionit Evropian, që ishte shprehur se nuk do të kishte ndërprerje pavarësisht krizës politike gjermane.
