Gati pesë ditë pas arrestimit të gjyqtarit të Gjykatës së Apelit në Tiranë, Shkëlqim Miri, me akuzën e korrupsionit, një qytetar nga Kruja ka bërë një denoncim publik ndaj gjyqtarit ku është shprehur se ka bashkëpunuar me grabitësit e pronës së tij.
Në denoncimin e tij shtetasi Kadri Voga, ka ngritur akuzat e tij se Miri ka shkelur ligjin në një proces gjyqësor ku vetë ai ka qenë palë e interesuar. Gjithçka, sipas tij, nis që nga fshehja e datës së zhvillimit të seancës gjyqësore dhe deri te vendimi final që rrëzon atë që kishte vendosur Gjykata e Shkallës së Parë Krujë.
60- vjeçari, është shprehur se, pavarësisht se prokurori dhe përmbaruesja kishin falsifikuar dokumentet për t’i marrë restorantin bashkë me truallin, Gjykata e Krujës kishte vendosur në favor të tij duke i hequr të drejtën e profesionit përmbarueses, Joana Konomi, për shpërdorim detyre. Sipas tij kjo e fundit në bashkëpunim me Arjan Ndojn kanë marrë tokën në të cilën ai e disponon me dokumente ku në të ka të ndërtuar dhe shtëpinë.
“Kam hapur kompjuterin dhe kam parë që gjyqi do të mbahej me datë 1, se unë i di këtë poshtërsia se më kanë ndodhur dhe në Krujë. Duke ditur rrezikun kam shkuar disa ditë. Dhe atë ditë me datë 18 që është bërë gjyqi kam qenë aty kam pyetur sekretaren dhe më ka thënë që do të zhvillohet me datë 1. Por, në atë kohë po zhvillohej gjyqi dhe unë isha aty bashkë me çunin. Unë nuk isha në dijeni fare sepse me tha që mbahet me datë 1. Kur kam shkuar pas një jave më tha se gjyqi është zhvilluar. Pyeta sekretaren mos është ndryshuar data e gjyqit, jo më tha gjyqi është bërë. E pyeta-si është bërë? Kur është bërë? Ti me the me datën 1? Eh po më thotë që e ka vendosur Shkëlqim Miri për ta bërë gjyqin. Pra unë e akuzoj drejtpërdrejt se ai ka marrë lek more zotëri. Nuk e di që është i arrestuara nuk e kam marrë vesh. Por, unë jam ankuar kam bërë këtë letër për Shkëlqim Mirin. Jam ankuar dhe të Presidenti, kam bërë letër nuk e di nëse i ka rënë në dorë apo jo. Jam ankuar tek Prokuroria e Përgjithshme, të Këshilli i Lartë i Drejtësisë tek Ministria e Drejtësisë, dhe i kam shkruar dhe Ambasadës Amerikane për këtë person”, thekson në denoncimin e tij qytetari Kadri Voga nga Kruja. (Ahmet Zani/ TIRANA TODAY)
Denoncimi:
“Unë do të denoncoj publikisht shqetësimin që kam ndaj drejtësisë shqiptare, kryesisht ndaj gjyqësorit, për Gjykatën dhe Prokurorinë e Rrethit Krujë. Por kryesish do të ngre akuzat e mija për një gjyqtar të Apelit i quajtur Shkëlqim Miri. Problemi im qëndron këtu. Prej 8 viteve apo më gjatë jam në proces gjyqësor apo më gjatë për një pronë të cilën ma ka vjedhur, grabitur dhe poshtëruar Arian Ndoj së bashku me një të padenjë e quajtur Joana Konomi, të cilët duke bashkëpunuar fuqishëm me gjyqtarin e Apelit Shkëlqim miri, unë po përballem me drejtësinë dhe nuk po gjej drejtësi të plotë për të drejtën time. Kam dy probleme të shumta se po të vazhdosh janë shumë gjatë se kam një sërë dokumentesh.
Prokuroria e Krujës bashkë me Gjykatën e Krujës kanë dhënë një vendim për Joana Konomin për heqjen e të drejtës së profesionit pasi ajo është në ndjekje penale për shpërdorim detyre. Në këtë moment bëhet ankimim në Apel, dhe del e arshivuar data e gjyqit e cila thotë se me datën me 1 nëntor 2017 ora 12:00 bëhet gjyqi ndaj Joana Konomit për heqje e të drejtës së ushtrimit të profesionit. Ne paraqitemi në Gjykatë të Apelit për të vazhduar gjyqin. Në atë moment marrim vesh nga gjyqtarja se me porosi të kryetarit të seancës Shkëlqim Miri seanca avancon. Qëllimi i Shkëlqim Mirit është që të më humbasë të drejtën mua dhe për ti dhënë të drejtë hajdutëve, Joana Konomit dhe Arian Ndojt me të cilët ka bashkëpunuar, ka 8 vjet me to.
Kam hapur kompjuterin dhe kam parë që gjyqi do të mbahej me datë 1, se unë i di këtë poshtërsia se më kanë ndodhur dhe në Krujë. Duke ditur rrezikun kam shkuar disa ditë. Dhe atë ditë me datë 18 që është bërë gjyqi kam qenë aty kam pyetur sekretaren dhe më ka thënë që do të zhvillohet me datë 1. Por, në atë kohë po zhvillohej gjyqi dhe unë isha aty bashkë me çunin. Unë nuk isha në dijeni fare sepse me tha që mbahet me datë 1. Kur kam shkuar pas një jave më tha se gjyqi është zhvilluar. Pyeta sekretaren mos është ndryshuar data e gjyqit, jo më tha gjyqi është bërë.
E pyeta-si është bërë? Kur është bërë? Ti me the me datën 1? Eh po më thotë që e ka vendosur Shkëlqim Miri për ta bërë gjyqin. Pra unë e akuzoj drejtpërdrejt se ai ka marrë lek more zotëri. Nuk e di që është i arrestuara nuk e kam marrë vesh. Por, unë jam ankuar kam bërë këtë letër për Shkëlqim Mirin. Jam ankuar dhe të Presidenti, kam bërë letër nuk e di nëse i ka rënë në dorë apo jo. Jam ankuar tek Prokuroria e Përgjithshme, të Këshilli i Lartë i Drejtësisë tek Ministria e Drejtësisë, dhe i kam shkruar dhe Ambasadës Amerikane për këtë person.
Por, të gjithë janë të lidhur si mishi me thoin gërshetojnë veprimet dhe nuk çahen. Unë disponoj të gjitha dokumentacionet, nga 8 vjet e deri më sot. Dhe unë nuk kam gjetur dot drejtësi. Unë kam denoncuar penalisht Arian Ndojn në Krujë dhe e ka pushuar çështjen prokurorja Anisa Qilimi, sepse ata hanë bashkë dhe vjedhin bashkë. Kur jam interesuar se kur ka filluar ndeshje, më kanë dhënë përgjigjej që është pushur çështje. Mua nuk më njoftuan. I thashë se do të ankohem në Prokurori të Përgjithshme. Unë dua të denoncoj publikisht, dhe me qenë se po më thoni se është i arrestuar, mua më kanë shkatërruar familjen dhe më kanë marrë pronë familjare. Ma kanë marrë me trull dhe me ndërtesë dhe ia kanë kaluar Arian Ndojt. Mua më kanë poshtëruar”, tha Kadri Voga.(Tirana Today)
