https://www.facebook.com/tiranatodaycom/videos/309273896184021/
Segmenti i parë i Bulevardit të ri të Tiranës së bashku me parkimin e tij nëntokësor do të jenë gati ditën e nesërme për qytetarët.
Një ditë para inaugurimit të bulevardit nga Bashkia e Tiranës, “Tirana Today” sjell pamjet ekskluzive të këtij segmenti të filmuara me dron. Bulevardi i ri i cili është vazhdim i Bulevardit “Zogu i Parë”, i quajtur ndryshe “Bulevardi T” lidhet me zonën e lumit të Tiranës, dhe me parkun qendror të bulevardit.
Ky segment parashikohet të jetë një ndër zonat më rezidenciale dhe tregtare të kryeqytetit.
Në këtë segment me gjerësi 70 metra, vetëm 1/3 do të përdoret nga automjetet. Pjesa tjetër do t’i dedikohet korsive të biçikletave dhe hapësirave pedonale, element i të cilave është edhe gjelbërimi.
Bulevardi i ri ka kushtuar 26 milion euro të kredituara nga fondi Abu Dabi.
Ndërsa Bashkia parashikon se kredia do të ketë efekt neutral mbi buxhetin e saj dhe do të shlyhet përmes të ardhurave që do të sigurohen nga lejet zhvillimore, duke nisur nga viti 2018.
