Ish-kryetari i PD-së së Vlorës, Moisi Meminaj pas disa spostimeve të një pas njëshme nga ana e Partisë Demokratike ka kaluar me Ilir Metën.
Meminaj nëpërmjet një postimi në rrjetin social “Facebook”, ka postuar një foto me Ilir Metën, duke shkruar “me presidentin”.
I kontaktuar nga Tirana Today, Meminaj është shprehur se ky ka qenë një vendim mjaftë i vështirë dhe se pas disa vitesh kontributesh me këtë parti, ai ka shkrirë gjithçka, edhe bukën e gojës.
“Shkriva gjithçka për këtë parti edhe bukën e gojës, nuk u vlerësova dhe s’kisha vendim tjetër. Dhe ç’farë mora në këmbim të sakrificës? Zhvlerësim të kontributeve jo vetëm personale por edhe të qindra demokratëve të tjerë. Tani militantët e PD zevendesohen me ata të republikës së re dhe është mosmirënjohëse”,tha Meminaj
Kujtojmë se Meminaj është pjesëtar i Studentëve të Dhjetorit të vitit 1990 dhe ka qenë aktiv në Partinë Demokratike deri sot.
