Ekonomisti Dritan Shano ka deklaruar se nga vendi kanë ikur pjesa më e mirë e shoqërisë, ndërsa shton se kanë mbetur më çyrykët.
I ftuar në emisionin “Provokacija” mbrëmjen e djeshme, Shano ndër të tjera e justifikon largimin edhe me lehtësimin e procedurave nga vendet evropiane, krahasuar me disa vite më parë.
“Në këtë vend kanë ngelur pak guximtarë të cilët për 1 mijë arsye dhe rrethana kanë mbetur këtu. Tani nuk duhet ndonjë guxim për të ikur. Por për një qenie njerëzorë, të lërë shtëpinë, të lërë folenë, të lërë atë sigurinë do një lloj guximi sidoqoftë. Edhe pse atje ku ti shkon të pret një jetë më e mirë.
Nuk duhet ndonjë guxim i madhe sot sepse ne jemi të stacionuar nëpër vendet e Evropës dhe dimë se ku po shkojmë. Ti sot kur ikën në Greqi do gjesh një kushëri se s’bën që t’i zësh derën. Ai që ikte në ’91 dhe ajo që e priste ishte rruga. Kjo e diferencon këtë gjë.
Por jam dakord me atë që t’i the sepse ka ik pjesa më e mirë. Ikin më të mirët dhe këtu ngelin më çyrykët. Sepse që të arrish të mbash çyrykët me bukë duhet të jesh më i zoti ti”, tha ekonomisti.
