Thomas Strakosha është bërë kryefjala e merkatos në Itali, pasi të shumtë janë ekipet që e kërkojnë. Fillimisht ishte Liverpool që shfaqi interes për gardianin e kombëtares shqiptare por nuk ka paraqitur asnjë ofertë zyrtare. Lazio kërkon që ta mbajë me çdo kusht por në rast të një oferte të parezistueshme do të heqë dorë nga shërbimet e tij, pasi do të sjellin fitime të mëdha, por Claudio Lotito dhe drejtori sportiv Igli Tare, janë të mendimit që 23-vjeçari kuqezi duhet të qëndrojë në Romë të paktën edhe për një sezon.
Por ekipi gjerman Bayern Leverkusen është hedhur në një sulm serioz për Strakoshën dhe i ka paraqitur Lazios një ofertë 30 milionë euro. Drejtuesit lacialë për momentin i kanë ngritur barrierën ekipit gjerman, sepse po presin të kuptojnë se cilat do të jenë lëvizjet e tjera në merkato, edhe pse Strakosha dhe familja e tij janë të gatshëm për të nisur një aventurë të re në Bundesligë. Nëse për shumë lojtarë lacialë, që kërkohen nga klubet e mëdha (Felipe Anderosn apo Milinkovic-Savic), ofertat janë hipotetike, për Strakoshën Lazio i ka në tavolinë 30 milionë euro.
Më këtë ofertë lidhet edhe fakti që Lazio po vonon zyrtarizimin e portierit 35-vjeçar belg me pasaportë italiane të Olympiacosit, Silvio Proto. Sepse, nëse ikën Strakosha, Lazio duhet të gjejë një portier të denjë për rolin e titullarit.
