Aktorja turke Biran Damla Yilmaz, e njohur në vendin tonë me rolin e “Ejlylit” në serialin “Lule të vetmuara”, është në një lidhje me aktorin Ilker Kaleli.
Mediat turke shkruajnë se ata janë të lidhur prej 1 muaji dhe janë shumë të dashuruar.
Për lidhjen e tyre ka folur për herë të parë vetë Ilker Kaleli. Ai u ndalua nga gazetarët teksa po merrte motorrin e tij.
I pyetur për thashethemet e lidhjes me Biran Damla, aktori u përgjigj: “Ne kemi një shoqëri shumë të mirë që ka zgjatur prej 1 muaji”.
Biran Damla Yilmaz në intervista flet shpesh për karrierën e saj, ndërsa jetën private e ka ruajtur gjithmonë hermetike. Ashtu si çdo aktore edhe ajo është përfolur për një lidhje të mundshme, megjithatë nuk ka konfirmuar asgjë.
Aktorja turke është shumë e njohur në Shqipëri. Ajo luan rolin kryesor në serialin “Lule të vetmuara”, një vajzë me emrin “Ejlyl” që ngacmohet nga njerku dhe braktiset nga nëna e saj.
