Studentët janë mbledhur para Kryeministrisë, e ndërsa shihet qartë se dritat dhe grilat janë mbyllur.
“Eja mblidhuni këtu-këtu, eja mblidhuni këtu-këtu”. Kjo është thirrja më e fuqishme që po mbizotëron në këto momente përpara godinës së qeverisë, në kryeqytet.
Sakaq, forca të shumta policie që kanë krijuar kordon, po mbikëqyrin protestën.
Sot, në ditën e nëntë të protestës, ata vijojnë paqësisht pa shkaktuar asnjë incident. Studentët po mbajnë protestën e tyre më të fuqishme që nga viti ’90, që nuk ka shënuar asnjë xham të thyer, dhe ka përfunduar gjithmonë me pastrimin e sheshit të protestës.
