Me Egjiptin që po përballet me një valë të dytë të koronavirusit, një shpikës po provon një robot të telekomanduar i cili mund të masë temperaturën e pacientëve dhe t’i paralajmërojë ata nëse nuk mbajnë maska .
Mahmoud el-Komy, i cili projektoi robotin, të quajtur Cira-03, thotë se ai mund të ndihmojë në kufizimin e ekspozimit ndaj infeksionit dhe parandalimin e transmetimit të virusit, shkruan Reuters.
“Unë u përpoqa ta bëja robotin të duket më njerëzor, në mënyrë që pacienti të mos i frikësohet. Kështu që ata nuk ndjehen sikur një kuti po ecën mbi ta. Ka pasur një përgjigje pozitive nga pacientët. Ata panë robotin dhe nuk kishin frikë. Përkundrazi, ka më shumë besim në këtë sepse roboti është më i saktë se njerëzit.”, tha ai.
Abu Bakr El-Mihi, kreu i një spitali privat ku po testohet roboti, tha se ata po e përdornin robotin për të marrë temperaturën e kujtdo që dyshohej se kishte COVID-19.
