Orët kë kalojnë janë fatale për personat e plagosur rëndë nga sulmi ndaj të krishterëve në Egjipt. Zëdhënësi i Minsitrisë së shëndetësisë, Khaled Megahed, tha se deri tani 26 persona kanë vdekur dhe 25 të tjerë janë plagosur. Të gjithë personat e vrarë dhe të plagosur janë pjesëtarë të komunitetit kopt të krishterë.
Guvernatori i provincës Minya në Egjipt, Essam al-Bedaiëy, tha se persona të armatosur e kishin sulmuar sot autobusin, derisa në të ndodheshin njerëzit që shkonin në një manastir, afro 200 kilometra në jug të kryeqytetit Kajro.
Personat e armatosur u afruan me tre automobila, e kryen sulmin dhe u larguan, ka njoftuar Ministria e brendshme e Egjiptit.
Në dhjetor të vitit të kaluar dhe në prill të këtij viti, nga sulmet vetëvrasëse të grupit ekstremist, Shteti Islamik, janë vrarë dhjetëra koptë të krishterë, në tri sulme kundër kishave.
Shteti Islamik ishte kërcënuar se do të ndërmerrte më tepër sulme kundër koptëve të krishterë.
Ky komunitet e përbënë 10% të popullatës së Egjiptit, me shumicë myslimane, prej 92 milionë banorëve.
