Ish-deputeti Eduart Ndocaj ka deklaruar se do të kandidojë për kreun e Bashkisë së Lezhës.
Këtë deklaratë, ish-deputeti lezhjan e bëri teksa ishte ftuar në emisionin “Ditë e Re” në Ora News.
I pyetur nëse e kishte menduar ndonjëherë që të kandidonte për kryetar bashkie në mënyrë që të punojë për Lezhën, Ndocaj tha:
“E kam menduar në fakt dhe do të kandidoj.”
Po ashtu, Ndocaj u pyet se përse i hyri politikës.
“Nuk e gjeta unë politikën, politika më gjeti mua. Pra, pata një ofertë, iu duhesha sepse isha njeriu i duhur për Lezhën dhe pranova”, tha ish-deputeti.
