Ishte sot në një konferencë të përbashkët me ministren e Jashtme Olta Xhaçka, ministrja austriake për BE-në dhe Kushtetutën, Karoline Edstadler u shpreh ndër të tjera se shteti i së drejtës është një nga vlerat e rëndësishme të unionit dhe se Shqipëria e ka treguar se e do Bashkimin Europian
Ministrja austriake për BE dhe Kushtetutën, Karoline Edstadler: “Ne duhet t’ju japim ju perspektive për të hyrë në Bashkimin Evropian në kuadër të besueshmërisë së BE. Nëse nuk e përshpejtojmë këtë proces, të gjithë humbasim. Kjo është arsyeja pse po avokatojmë për mbajtjen e konferencës ndërqeveritare për Shqipërinë dhe Maqedoninë e Veriut.
Ju po bëni shumë për ti treguar BE se doni që të shihni hapa të mëtejshëm. Ju jeni angazhuar në shtetin e së drejtës dhe Austria po mbështet 5 projekte në këtë drejtim.
Shteti i së drejtës, demokracia dhe të drejtat e njeriut janë vlerat e unionit tonë. Për aq kohë sa vendet e Ballkanit Perëndimor nuk janë pjesë e BE ky projekt nuk është e plotë. Duhet të plotësojmë hendeqet. Ju jeni të rrethuar nga anëtarë të BE.
