Disa lajme të mira kanë ardhur nga Italia për Kombëtaren e Shqipërisë dhe për Edoardo Reja-n.
Lajmet kanë ardhur në prag të dy sfidave të nëntorit, të fundit në eliminatoret e Euro 2020 kundër Andorres dhe Francës.
Pas dëmtimit të rëndë, thuhet se Elseid Hysaj është rikuperuar plotësisht nga ana shëndetësore.
Ai pritet që të rikthehet në fushë në këtë fundjavë në sfidën kundër Romës në Serie A.
Por nuk mbaron me kaq! Të tjera lajme të mira vijnë nga Italia.
Ashtu si Hysaj edhe Ledian Memushaj ka kaluar dëmtimin që e la jashtë fushe javën e shkuar. Mesfushori ka nisur stërvitjen me Peskarën dhe do të luajë në sfidën e fundjavës në Serie B.
