Zhvillimet e ditës, nga vendi, rajoni e bota i gjeni në edicionin informativ në “Tirana Today”.
Turqia kërkon ‘gylenistët’/ Bushati: Çdo gjë në rrugë diplomatike
Turqia përsërit në Tiranë kërkesën për ekstradim të elementëve të FETO-së, që sipas saj, janë në vendin tonë. Në konferencën e përbashkët për shtyp të Ministrit për Evropën dhe Punët e Jashtme, Ditmir Bushati dhe ministrit turk, Mevlut Çavushoglu, ky i fundit deklaroi se Turqia është duke pritur diçka nga Shqipëria mike.
Bushati kujtoi se Shqipëria është anëtar i NATO-s, kandidate e BE dhe aderon në disa organizma me rregulla të përcaktuara për ekstradime. Ndaj, çdo proces ndiqet në rrugë diplomatike.
Arrestimi i Stresit/ Shpërthejnë prindërit e reperit
Prindërit e Stresit e kanë cilësuar një hakmarrje të pastër politike, arrestimin e djalit të tyre. “Hakmarrje 24 orëshe”, e quan Shpresa Lushaj arrestimin e të birit dy ditë më parë, në një hotel në zonën e Linzës në Tiranë. Me tone të ashpra ka reaguar edhe Sali Lushaj. Ai shkruan se çdo gjë është e sajuar dhe e përgatitur nga mllefi dhe tërbimi, pas padisë që ai kishte bërë në gjykatë ndaj Taulant Ballës.
